హీరోలు, హీరోయిన్లను చూసి వీరికేం బాగానే ఉన్నారుగా? అని మనం అనుకుంటాం. కానీ వారు ప్రేక్షకులను మెప్పించడానికి.. పాత్రల్లో ఒదిగిపోవడానికి పడే కష్టం మామూలుగా ఉండదు. గుర్రపు స్వారీలు నేర్చుకోవడం, కత్తియుద్ధాలు నేర్చుకోవడం, కర్రసాము చేయడం వంటి ఎన్నో భారీ యాక్షన్ సన్నివేశాలను కష్టపడి తెరపై ప్రేక్షకుల కోసం ప్రదర్శిస్తుంటారు. ఈ మార్షల్ ఆర్ట్స్ నేర్చుకోవడానికి పడే కష్టం మామూలుగా ఉండదు.

ఇప్పుడు కాజల్ కూడా అలాంటి కష్టాన్నే పడుతుందట. ఇంతకు కాజల్ ఎందుకు కష్టపడుతుందో తెలుసా? `ఇండియన్ 2` సినిమా కోసం . కమల్ హాసన్, శంకర్ కాంబినేషన్‌లో లైకా ప్రొడక్షన్స్ నిర్మిస్తోన్న ఈ సినిమాలో కాజల్ అగర్వాల్ నటిస్తున్న సంగతి తెలిసిందే. ఈ సినిమాలో పాత్ర కోసం కాజల్ కేరళ కలరి మార్షల్ ఆర్ట్స్‌ను నేర్చుకుంటుందని సినీ వర్గాల సమాచారం. బడ్జెట్ సమస్య కారణంగా ఆగిపోయిన ఈ చిత్రం ఆగస్ట్ మూడో వారంలో చిత్రీకరణను జరుపుకోనుంది.