உலக நாயகன் கமல்ஹாசனும், நடிகர் முத்துராமனின் மகனும் பிரபல நடிகருமான கார்த்திக்கும் கடந்த பல வருடங்களாக திரையுலகில் பிரபலங்களாக இருந்து வந்தாலும் ஒரே படத்தில் இதுவரை இணைந்து பணியாற்றியதில்லை. இந்நிலையில் தற்போது தயாராகி வரும் ஒரு படத்தில் இருவரும் முதல்முறையாக இணைந்து பணியாற்றியுள்ளனர்.

ராஜதுரை இயக்கிய வரும் 'முத்துராமலிங்கம்' என்ற திரைப்படத்தில் கவுதம் கார்த்திக், கேதரின் தெரசா, ப்ரியா ஆனந்த், பிரபு உள்பட பலர் நடித்து வருகின்றனர். இந்த படத்தில் சிறப்பு தோற்றத்தில் நடிகர் கார்த்திக் அவர்களும் முக்கிய கதாபாத்திரம் ஒன்றில் நடிக்கின்றார். இசைஞானி இளையராஜா இசையமைக்கும் இந்த படத்தை குளோபல் மீடியா ஒர்க்ஸ் என்ற நிறுவனம் தயாரித்து வருகின்றது.

இந்நிலையில் இந்த படத்திற்காக இசைஞானி இளையராஜா ஐந்து பாடல்களை கம்போஸ் செய்துள்ளார். இவற்றில் ஒரு பாடலை உலக நாயகன் கமல்ஹாசன் பாடுகிறார்.