ராகவா லாரன்ஸ் இயக்கி நடித்த 'காஞ்சனா 3' திரைப்படத்தின் சென்சார் தகவல் சற்றுமுன் வெளியாகி அந்த படத்திற்கு சென்சார் அதிகாரிகள் 'யூஏ' சான்றிதழ் வழங்கியதை ஏற்கனவே பார்த்தோம். இந்த நிலையில் இந்த படத்தின் அதிகாரபூர்வ ரிலீஸ் தேதியை சன் பிக்சர்ஸ் நிறுவனம் தற்போது அறிவித்துள்ளது.

'காஞ்சனா 3' திரைப்படம் வரும் ஏப்ரல் மாதம் 19ஆம் தேதி வெளியாகவிருப்பதாக அறிவிக்கப்பட்டுள்ளது. ஏப்ரல் 18ஆம் தேதி தமிழகத்தில் மக்களவை தேர்தல் நடைபெறவுள்ள நிலையில் அதற்கு அடுத்த நாள் இந்த படம் வெளியாகவுள்ளது என்பது குறிப்பிடத்தக்கது. மேலும் இதே தேதியில் விஷாலின் 'அயோக்யா' திரைப்படம் வெளியாக வாய்ப்பு இருப்பதாக கூறப்படுகிறது. இதுகுறித்த அறிவிப்பு இன்று இரவு ஏழு மணிக்கு அதிகாரபூர்வமாக அறிவிக்கப்படவுள்ளது.

ராகவா லாரன்ஸ், ஓவியா, வேதிகா, கோவை சரளா, கபீர்சிங், மனோபாலா, ஸ்ரீமான், தேவதர்ஷினி, சத்யராஜ், கிஷோர் உள்பட பலர் நடித்துள்ள இந்த படத்தை ராகவா லாரன்ஸ் இயக்கியுள்ளார். சன் பிக்சர்ஸ் நிறுவனம் இந்த படத்தை பிரமாண்டமாக தயாரித்துள்ளது.