தமிழ்த்திரையுலகம் சந்திக்கும் மிகப்பெரிய சவால், தமிழ்ராக்கர்ஸ் உள்பட ஒருசில இணையதளங்கள் ஒரு திரைப்படத்தின் ரிலீஸ் நாளிலேயே திருட்டுத்தனமாக ஆன்லைனில் ரிலீஸ் செய்வதுதான். இதுகுறித்து பல்வேறு நடவடிக்கைகள் எடுக்கப்பட்டும் முழுமையாக இதனை தடுத்து நிறுத்த முடியவில்லை

இந்த பிரச்சனைக்கு ஒரே தீர்வு, ரிலீஸ் தேதியன்றே ஆன்லைனிலும் சட்டபூர்வமாக திரைப்படங்களை ரிலீஸ் செய்ய வேண்டும் என்று ஒருசில தயாரிப்பாளர்கள் கூறி வருகின்றனர். ஆனால் இதற்கு திரையரங்கு உரிமையாளர்கள் எதிர்ப்பு தெரிவித்து வருகின்றனர்.

இந்த நிலையில் தமிழ்த்திரைப்பட வரலாற்றில் முதல்முறையாக சண்முகப்பாண்டியன் நடித்த 'மதுரவீரன்' திரைப்படம் ரிலீஸ் தேதியான பிப்ரவரி 2 முதல் இணையதளம் ஒன்றில் வெளியாகிறது. ஒருமுறை பார்ப்பதற்கு குறிப்பிட்ட கட்டணம் என்ற வகையில் இந்த படம் ஆன்லைனில் ரிலீஸ் ஆகிறது. ஆனால் அதே நேரத்தில் இந்த படத்தை ஆன்லைனில் வட அமெரிக்காவில் உள்ளவர்கள் மட்டுமே பார்க்க முடியும் என்பது குறிப்பிடத்தக்கது. இதுவொரு ஆரம்பம்தான் என்றும் விரைவில் உலகம் முழுவதும் ஒரே நாளில் தியேட்டரிலும் ஆன்லைனிலும் வெளியாகும் நாள் வெகுதொலையில் இல்லை என்று கூறப்படுகிறது.