close
Choose your channels

మ‌రోసారి సామాజిక బాధ్య‌త‌ను తెలియ‌జేసిన మ‌హేశ్‌

Tuesday, July 28, 2020 • తెలుగు Comments

మ‌రోసారి సామాజిక బాధ్య‌త‌ను తెలియ‌జేసిన మ‌హేశ్‌

క‌రోనా వైర‌స్ కార‌ణంగా సినిమా రంగం అంతా స్తబ్దుగా మారింది. థియేట‌ర్స్ మూత‌ప‌డ్డాయి, సినిమా షూటింగ్స్ ఆగాయి. ఐదు నెల‌ల త‌ర్వాత షూటింగ్స్ నెమ్మ‌దిగా స్టార్ట్ అవుతున్నాయి. కానీ స్టార్స్ మాత్రం క‌రోనా వైర‌స్ ప్ర‌భావం వ‌ల్ల భ‌య‌ప‌డుతున్నారు. లాక్‌డౌన్ స‌మ‌యంలో ఇంటికే ప‌రిమిత‌మైన సూప‌ర్‌స్టార్ మ‌హేశ్‌, పిల్ల‌లు, పుస్త‌కాలు, వెబ్ సిరీస్‌ల‌తో కాల‌క్షేపం చేస్తున్నారు. సోష‌ల్ మీడియాలోనూ యాక్టివ్‌గా ఉంటున్నారు. సామాజిక బాధ్య‌తతో వ్య‌వ‌హ‌రించే సూప‌ర్‌స్టార్ లేటెస్ట్ ట్వీట్ మ‌రోసారి ఆయ‌న‌లోని సోష‌ల్ రెస్పాన్స్‌బిలిటీని తెలియ‌జేసింది.

‘‘నీటిని సంరక్షించుకోండి. వనరులను పునరుత్తతి అయ్యేలా వినియోగించుకోవాలి. ప్లాస్టిక్ వాడకాన్ని తగ్గించండి. ఈ గ్లోబల్ క్రైసిస్ నుండి మ‌నల్ని మ‌న‌మే ర‌క్షించుకోవాలి. మ‌న ప‌కృతిని కూడా కాపాడాల్సిన ఆవ‌శ్య‌క‌త‌ను కూడా గుర్తుపెట్టుకోండి. ఈ మార్పు మీ ఇంటి నుండే మొద‌లు పెట్టండి’’ అని తెలిపారు మహేశ్.

సినిమాల విషయానికి వస్తే పరుశురామ్ దర్శకత్వంలో మహేశ్ 27వ చిత్రం ‘స‌ర్కారు వారి పాట‌’ సినిమా తెర‌కెక్క‌నుంది. క‌రోనా ప‌రిస్థితులు చ‌క్క‌బ‌డ్డ త‌ర్వాత ఈ సినిమా షూటింగ్‌ను మ‌హేశ్ మొద‌లు పెడ‌తారు. ఇందులో కీర్తిసురేశ్ హీరోయిన్‌.

Get Breaking News Alerts From IndiaGlitz