ఏషియన్ గ్రూప్ చైర్మన్ నారాయణదాస్ నారంగ్ జన్మదినం సందర్భంగా, శ్రీ వెంకటేశ్వర సినిమాస్ ఎల్ ఎల్ పి మరియు నార్త్ స్టార్ ఎంటర్టైన్మెంట్ తాము సంయుక్తంగా కింగ్ నాగార్జున హీరోగా నిర్మించనున్న భారీ చిత్రాన్ని ప్రకటించారు. ఈ స్లిక్ యాక్షన్ ఎంటర్ టైనర్ కు ప్రవీణ్ సత్తారు రచన, దర్శకత్వం వహిస్తారు. ఈ చిత్రాన్ని తమ రెండు బ్యానర్ల మీద నిర్మాతలు నారాయణదాస్ నారంగ్, పుస్కూర్ రామ్మోహన్ రావు, శరత్ మరార్ నిర్మించనున్నారు. క‌రోనా ప‌రిస్థితులు చ‌క్క‌బ‌డ్డ త‌ర్వాత‌ షూటింగ్ ప్రారంభం అవుతుంది.

ప్ర‌స్తుతం నాగార్జున అక్కినేని మ్యాట్నీ ఎంట‌ర్‌టైన్‌మెంట్స్ బ్యాన‌ర్‌పై సాల్మోన్ ద‌ర్శ‌క‌త్వంలో రూపొందుతోన్న యాక్ష‌న్ ఎంట‌ర్‌టైన‌ర్ ‘వైల్డ్ డాగ్’లో నటిస్తున్న సంగతి తెలిసిందే. ఈ చిత్రంలో నాగార్జున ఎన్ఐఏ ఆఫీస‌ర్‌గా కనిపించ‌నున్నారు. ఈ సినిమా షూటింగ్ త్వ‌ర‌లోనే పూర్తి చేసే ఆలోచ‌న‌లో ఉన్నారు. దీని త‌ర్వాతే ప్ర‌వీణ్ స‌త్తారు ద‌ర్శ‌క‌త్వంలో మూవీ స్టార్ట్ అవుతుంది. మ‌రో వైపు తెలుగు రియాలిటీ షో బిగ్‌బాస్ సీజ‌న్ 4లోనూ నాగార్జున వ్యాఖ్యాత‌గా వ్య‌వ‌హ‌రించ‌నున్నార‌ని స‌మాచారం. ఆగ‌స్ట్ మొద‌టి వారంలో తెలుగు రియాలిటీ షో హోస్టింగ్‌పై ఓ క్లారిటీ రానుంది.