close
Choose your channels

పలాస దర్శకుడి వెబ్ సిరీస్..!

Saturday, June 27, 2020 • తెలుగు Comments

పలాస దర్శకుడి వెబ్ సిరీస్..!

తొలి చిత్రం ‘ప‌లాస 1978’ సినిమాతో అటు ప్రేక్ష‌కుల‌ను మెప్పించి ఇటు విమ‌ర్శ‌కుల ప్ర‌శంస‌లు అందుకున్నాడు క‌రుణ కుమార్‌. ఈ సినిమా సక్సెస్‌తో ప్ర‌ముఖ నిర్మాత అల్లు అర‌వింద్ త‌న బ్యాన‌ర్‌లో ఓ సినిమా చేయ‌డానికి ఓకే చేయించేసుకున్నాడు. అడ్వాన్స్ కూడా ఇచ్చేశాడు. అయితే ఇప్పుడు క‌రుణ కుమార్ త‌న త‌దుప‌రి చిత్రాన్ని రాజశేఖర్‌తో చేయ‌బోతున్నాడ‌నే వార్త‌లు వినిపించాయి. అయితే అలాంటివేమీ లేద‌ని ద‌ర్శ‌కుడు రీసెంట్‌గా ఓ ప‌త్రిక ఇంట‌ర్వ్యూలో చెప్పారు. ప్ర‌స్తుతం ఆయ‌న రైట‌ర్ క‌దిర్‌బాబు ర‌చించిన షార్ట్ స్టోరీస్‌ను ఆధారం చేసుకుని ల‌స్ట్‌స్టోరీస్ త‌రహాలో తెలుగులో ఓ సినిమాను చేయ‌బోతున్నాడు. తెలుగు ఓటీటీ ఆహా కోసం ఈ వెబ్ సిరీస్‌ను క‌రుణ కుమార్ తెర‌కెక్కించ‌నుండ‌టం విశేషం

అలాగే త‌న రెండో చిత్రం గురించి క‌రుణ కుమార్ మాట్లాడుతూ ‘‘అల్లు అర‌వింద్‌గారికి ఓ సినిమా చేయాల్సి ఉంది. అలాగే సాయితేజ్, సుధీర్‌బాబుల‌ను క‌లిసి క‌థ‌ల‌ను వినిపించాను. అలాగే సితార ఎంట‌ర్‌టైన్‌మెంట్స్ బ్యాన‌ర్ వారికి కూడా క‌థ చెప్పాను. మ‌రికొంత మంది నిర్మాత‌లు న‌న్ను క‌లిశారు. ఎవ‌రితో రెండో సినిమా చేస్తానో ఇప్పుడే చెప్ప‌లేను’’ అన్నారు.

Get Breaking News Alerts From IndiaGlitz