சிவகார்த்திகேயன் நடித்த ’வருத்தப்படாத வாலிபர் சங்கம்’ ’ரஜினி முருகன்’ மற்றும் சீமராஜா ஆகிய படங்களை இயக்கிய இயக்குனர் பொன்ராம் தற்போது அடுத்த படத்திற்கு தயாராகி விட்டார். அவர் இயக்கும் அடுத்த படத்தில் நடிகரும் இயக்குனருமான சசிகுமார் நாயகனாக நடிக்க உள்ளார். இந்த படத்தில் மிருணாளினி ரவி என்பவர் நாயகியாக நடித்துள்ளார். இவர் ஏற்கனவே விஜய்சேதுபதி, சமந்தா நடித்த ‘சூப்பர் டீலக்ஸ்’ படத்தில் வேற்று கிரகத்தில் இருந்து வந்த ஒரு பெண்ணாக நடித்திருந்தார் என்பது குறிப்பிடத்தக்கது.

இயக்குனர் பொன்ராமின் வழக்கமான கிராமத்து செண்டிமெண்ட் மற்றும் காமெடி கலந்த திரைக்கதை அம்சம் உள்ள இந்த படத்தில் சத்யராஜ் ஒரு முக்கிய கேரக்டரில் நடிக்க உள்ளார். இவர் பொன்ராமின் முதல் படமான ‘வருத்தப்படாத வாலிபர் சங்கம்’ படத்தில் நாயகிக்கு தந்தையாக நடித்திருந்தார் என்பது குறிப்பிடத்தக்கது.

இன்னும் டைட்டில் வைக்கப்படாத இந்த படத்தின் படப்பிடிப்பு இன்று முதல் தொடங்குகிறது. இந்த படத்தில் நடிக்கும் மற்ற நடிகர்கள், நடிகைகள் மற்றும் தொழில்நுட்ப கலைஞர்கள் குறித்த அறிவிப்பு விரைவில் வெளியாக உள்ளது. இந்த படம் இயக்குனர் பொன்ராமுக்கு மேலும் ஒரு வெற்றியை கொடுக்கும் என்று எதிர்பார்க்கப்படுகிறது.