கார்த்திக் சுப்புராஜ் இயக்கத்தில் சன் பிக்சர்ஸ் நிறுவனத்தின் தயாரிப்பில் சூப்பர் ஸ்டார் ரஜினிகாந்த் நடிப்பில் உருவாகி வரும் 'பேட்ட' திரைப்படத்தின் படப்பிடிப்பு உபி மாநிலத்தில் விறுவிறுப்பாக நடைபெற்று வருகிறது. இம்மாத இறுதிவரை 'பேட்ட' படத்தின் படப்பிடிப்பு நடைபெறவுள்ளதாக தெரிகிறது.

இந்த நிலையில் இந்த படத்தில் ஏற்கனவே விஜய்சேதுபதி, பாபிசிம்ஹா, த்ரிஷா, சிம்ரன், மேகா ஆகாஷ் போன்ற நட்சத்திர பட்டாளங்கள் நடித்து வருகின்றனர். இந்த நிலையில் இந்த படத்தில் தற்போது புதியதாக இன்னொரு பிரபல ஹீரோ இணைந்துள்ளார். அவர்தான் சசிகுமார்.

ரஜினியுடன் நடிப்பதும், கார்த்திக் சுப்புராஜ் இயக்கத்தில் நடிப்பதும் சசிகுமாருக்கு இதுதான் முதல் முறை என்பதால் அவருக்கு மட்டுமின்றி அவருடைய ரசிகர்களுக்கும் இந்த படம் வித்தியாசமான அனுபவமாக இருக்கும் என கருதப்படுகிறது.