சிம்பு நடித்த 'வந்தா ராஜாவாதான் வருவேன்' திரைப்படம் சமீபத்தில் வெளியான நிலையில் தற்போது அவர் வெங்கட்பிரபுவின் 'மாநாடு' என்ற அரசியல் படத்தில் நடித்து வருகிறார். அதுமட்டுமின்றி ஹன்சிகாவின் 50வது படமான 'மஹா' படத்திலும் சிறப்பு தோற்றத்தில் அவர் நடித்து வருகிறார்.

இந்த நிலையில் சிம்புவின் அடுத்த படத்தை ஸ்டுடியோக்ரீன் நிறுவனம் தயாரிக்கவுள்ளதாகவும் இந்த படத்தை நார்தன் என்பவர் இயக்கவுள்ளதாகவும் கூறப்படுகிறது. நார்தன் கன்னட பட இயக்குனர் என்பதும் இவரது இயக்கத்தில் உருவான 'மஃப்டி' என்ற திரைப்படம் கர்நாடகாவில் சூப்பர் ஹிட் என்பதும் குறிப்பிடத்தக்கது.

சிம்பு - ஸ்டுடியோக்ரீன் - நார்தன் இணையும் இந்த படம் 'மஃப்டி' படத்தின் தமிழ் ரீமேக்கா அல்லது இயக்குனரின் புதிய கதையா? என்பது குறித்த தகவல் இன்னும் வெளிவரவில்லை. மேலும் இந்த படம் இரண்டு நாயகர்கள் கதை என்பதால் சிம்புவுடன் இன்னொரு பிரபல ஹீரோவும் நடிக்கவுள்ளதாக கூறப்படுகிறது.