தல அஜித் நடித்த 'விஸ்வாசம்' திரைப்படம் மிகப்பெரிய வெற்றி அடைந்தபோதிலும் அதனை கருத்தில் கொள்ளாமல் அமைதியாக அடுத்த படத்தின் பணியை அவர் தொடங்கிவிட்டார்.

இந்த நிலையில் 'தல 59' திரைப்படத்தின் அதிகாரபூர்வ அறிவிப்பு கடந்த சில நாட்களுக்கு முன் வெளிவந்தது. இந்த படத்தை 'சதுரங்க வேட்டை', 'தீரன் அதிகாரம் ஒன்று' ஆகிய படங்களை இயக்கிய ஹெச்.வினோத் இயக்குகிறார். பிங்க் ரீமேக் படமான இந்த படத்தில் டாப்சி கேரக்டரில் ஷராதா ஸ்ரீநாத்தும், கிரித்தி கில்ஹாரி கேரக்டரில் அபிராமி வெங்கடாச்சலமும் நடிக்கவுள்ளனர். மேலும், ஆண்ட்ரியா தரங் கேரக்டரில் அவரே நடிக்கவுள்ளார் என்பது குறிப்பிடத்தக்கது. அதுமட்டுமின்றி அஜித் மனைவியாக தேசிய விருது பெற்ற நடிகை வித்யாபாலன் நடிக்கவுள்ளார்.

இந்த நிலையில் நேற்று தல அஜித் இந்த படத்தின் படப்பிடிப்புக்கு சென்றபோது எடுக்கப்பட்ட புகைப்படம் ஒன்று இணையதளங்களில் வைரலான நிலையில் தற்போது மூன்று நாயகிகள் இந்த படத்தின் படப்பிடிப்பில் கலந்து கொண்ட புகைப்படங்கள் லீக் ஆகியுள்ளது. இவர்கள் தவிர ரங்கராஜ் பாண்டே, ஆதிக் ரவிச்சந்திரன் உள்ளிட்ட பலர் நடிக்கும் இந்த படத்தை போனிகபூர் தயாரிக்க, யுவன்ஷங்கர் ராஜா இசையமைக்கவுள்ளார்.