இளையதளபதி விஜய் நடித்த 'புலி' படத்தின் முதல் டிரைலரை விட இரண்டாவது டிரைலருக்கு இருமடங்கு வரவேற்பு இருக்கின்றது என்பதை சமூக இணையதளங்கள் மூலம் அறிந்து கொள்ள முடிகிறது. இந்த இரண்டாவது டிரைலரை ரசிகர்கள் மட்டுமின்றி திரையுலகினர்களும் 'புலி' படக்குழுவினர்களுக்கு பாராட்டு தெரிவித்து வருகின்றனர்.

அந்த வகையில் சமீபத்தில் மெகா ஹிட் கொடுத்த 'தனி ஒருவன்' ராஜா, 'புலி' படத்தின் இரண்டாவது டிரைலரை வெகுவாக தனது சமூக வலைத்தளத்தில் பாராட்டியுள்ளார். தனது இயக்கத்தில் வெளிவந்த 'வேலாயுதம்' படத்திற்கு உலகம் முழுவதும் ரசிகர்கள் கொடுத்த வரவேற்பில் இருந்தே விஜய்தான் எனது ரியல் ஹீரோ என்பதை புரிந்து கொண்டேன். எனவே எனது ரியல் ஹீரோவுக்கு எனது வாழ்த்துக்கள் என தெரிவித்துள்ளார்

விஜய் நடித்த 'புலி' ரிலீசாகவுள்ள இதே அக்டோபர் மாதம்தான் 'தனி ஒருவன்' ராஜா இயக்கத்தில் விஜய் நடித்த 'வேலாயுதம்' ரிலீஸ் ஆகியது என்பது குறிப்பிடத்தக்கது. பாக்ஸ் ஆபீஸில் சூப்பர் ஹிட் ஆன இந்த படம் விஜய்யின் குறிப்பிடத்தக்க வெற்றி படங்களில் ஒன்று என்பது அனைவரும் அறிந்ததே...