சூப்பர் ஸ்டார் ரஜினிகாந்த் நடித்த 'கபாலி' படத்தின் பாடல்கள் கடந்த ஞாயிறு அன்று வெளியாகி 'நெருப்புடா' உள்ளிட்ட அனைத்து பாடல்களும் சூப்பர் ஹிட் ஆகி பட்டிதொட்டியெங்கும் ஒலித்து வருகிறது.

இந்நிலையில் 'கபாலி' படத்தின் பாடல்கள் வெளியாகும் முன்பே இளையதளபதி விஜய் நடித்து வரும் 'விஜய் 60' படப்பிடிப்பு தளத்திற்கு சென்ற இசையமைப்பாளர் சந்தோஷ் நாராயணன், விஜய்யை சந்தித்து பேசியதாகவும் அந்த நேரத்தில் 'கபாலி' பாடல் குறித்த பேச்சு வந்ததாகவும், உடனே சந்தோஷ் நாராயணன் தனது ஐபோனில் வைத்திருந்த 'நெருப்புடா' பாடலை பிரத்யேகமாக விஜய்க்காக போட்டுக்காட்டியுள்ளதாகவும் கூறப்படுகிறது.

'நெருப்புடா' பாடலை கேட்டு ஆச்சரியம் அடைந்த விஜய், இசையமைப்பாளர் சந்தோஷ் நாராயணனை பாராட்டியதோடு 'விஜய் 60' படத்திற்கும் இதுபோன்ற எனர்ஜியான பாடலை கம்போஸ் செய்யும்படி கேட்டுக்கொண்டதாகவும் செய்திகள் வெளிவந்துள்ளது. 'விஜய் 60' படத்திலும் இதுபோன்ற எனர்ஜியான பாடல் வருமா? என்பதை பொறுத்திருந்து பார்ப்போம்.