நடன இயக்குனர் ராபர்ட் மாஸ்டர் நாயகனாக நடித்துள்ள படம் “ஒண்டிக்கு ஒண்டி”.இந்த படத்தை ஜேஎம் என்பவர் இயக்கியுள்ளார். இந்த படத்திற்கு ஸ்ரீகாந்த் தேவா இசையமைத்துள்ளார். இன்று சென்னையில் இந்த படத்தின் இசை வெளியீட்டு விழா நடந்தது.

இந்த விழாவில் நடிகர் விஜய்சேதுபதி சிறப்பு விருந்தினராக கலந்து கொண்டார். இந்த படம் குறித்தும் நாயகன் ராபர்ட் குறித்தும் விஜய்சேதுபதி பேசி முடித்ததும் அவரிடம் 'த்ரிஷா, நயன்தாரா இருவருடனும் நடித்துவிட்டீர்கள், இருவரில் யார் அழகு? என்று கேள்வி கேட்டபோது, 'பெண்களை அப்படியெல்லாம் பிரித்து பார்க்க முடியாது. பெண்கள் எல்லோரும் அழகுதான் என்று வித்தியாசமான பதிலை கூறினார்.

மேலும் விஜய்சேதுபதி-த்ரிஷா, விஜய்சேதுபதி-நயன்தாரா ஜோடியில் எந்த ஜோடி திரையில் பொருத்தமாக இருக்கும் என்ற கேள்விக்கு பதிலளித்த விஜய்சேதுபதி, 'என்னை பொருத்தவரையில் திரையில் தோன்றும் நடிகர், நடிகைகளின் பொருத்தத்தை பார்க்ககூடாது. அந்த படத்தில் அவர்கள் ஏற்று நடித்த கேரக்டரை பொருத்தே அந்த ஜோடியின் கெமிஸ்ட்ரி தீர்மானிக்கப்படுகிறது என்று கூறினார்.