ఆర్జీవీ.. 'టైగర్ కేసీఆర్' లో ఎవరెవరి పాత్రలుంటాయ్!?
Send us your feedback to audioarticles@vaarta.com
టాలీవుడ్ దర్శకుడు రామ్గోపాల్ వర్మ ఏదైనా కొత్త సినిమా తీస్తున్నట్లు ప్రకటిస్తే చాలు అది సంచలనమే.. వివాదాలకు ఇక కొదవుండదు!. సినిమా టైటిల్ అనౌన్స్మెంట్ మొదలుకుని థియేటర్లలోకి వచ్చి టైటిల్ పడేవరకు అన్నీ సంచలనాలే. ఒక్క మాటలో చెప్పాలంటే అదేదో వ్యాపారం విషయంలో మూడు పూవులు.. ఆరు కాయలు అంటుంటారే అదే ఆర్జీవీ అయితే మూడు సంచలనాలు.. ఆరు వివాదాలన్న మాట. ఇందుకు ప్రత్యేకించి ఉదాహరణలు చెప్పనక్కర్లేదు.
తాజాగా.. ఆర్జీవీ ప్రకటించిన ‘టైగర్ కేసీఆర్’ మూవీ తెలుగు రాష్ట్రాల్లో చర్చనీయాంశమైంది. అంతేకాదు శనివారం వర్మ విడుదల చేసిన ఓ వీడియోతో మున్ముంథు ఆయన ఏమేం చేయబోతున్నారా..? అంటూ అందరూ చర్చించుకుంటున్నారు. అయితే ఈ సినిమాలో ఎవరెవరి పాత్రలు ఉంటాయ్..? ఆ పాత్రల్లో ఎవరెవర్ని ఆర్జీవీ పరిచయం చేయబోతున్నారు..? అనేది ఇప్పుడు తెలుగునాట చర్చనీయాంశమైంది.
సినిమాలో ఉండేది ఈ పాత్రలేనా!?
సీఎం కేసీఆర్, కల్వకుంట్ల కవిత, హరీశ్ రావ్, దివంగత ముఖ్యమంత్రి వైఎస్, వైఎస్ జగన్ మోహన్ రెడ్డి, నారా చంద్రబాబు, లగడపాటి రాజగోపాల్, ఉండవల్లి అరుణ్ కుమార్, రోశయ్య, కిరణ్ కుమార్ రెడ్డి, రామోజీరావు, లోకేశ్ పాత్రలుంటాయని ఆర్జీవీ ట్వీట్ను బట్టి తెలుస్తోంది. పైన చెప్పిన వ్యక్తుల గురించి ప్రత్యేకించి చెప్పడానికేమీ లేదు. తెలంగాణ ఉద్యమం ప్రారంభమైంది మొదలుకుని.. ప్రత్యేక తెలంగాణ వచ్చేవరకు పైన చెప్పిన వారి పాత్ర ఉంది. వీటన్నింటినీ బేరీజు చేసుకుని ఆర్జీవీ సినిమా తెరకెక్కించబోతున్నాడని స్పష్టంగా అర్థమవుతోంది. మున్ముంథు ఇంకా ఎన్ని సంచలనాకు తెరలేపుతాడో..? ఎన్నెన్ని ట్విస్ట్లిస్తాడో వేచి చూడాల్సిందే మరి.
On the eve of Andhra Pradesh Chief Minister @ncbn ‘s birthday , I am releasing this first look of Telangana Chief Minister KCR ‘s biopic #TIGERKCR pic.twitter.com/0uvX5f49KT
— Ram Gopal Varma (@RGVzoomin) April 20, 2019
Follow @ Google News: గూగుల్ న్యూస్ పేజీలోని ఇండియాగ్లిట్జ్ తెలుగు వెబ్సైట్ను అనుసరించడానికి మరియు వెంటనే వార్తలను తెలుసుకోవడాని ఇక్కడ క్లిక్ చేయండి.