Blueocean Entertaiment தயாரிப்பில் உருவாகியுள்ள 'ஜீரோ' என்ற திரைப்படத்தின் இசை வெளியீட்டு விழா சமீபத்தில் நடைபெற்றது. நிவாஸ் கே.பிரசன்னா இசையமைப்பில் உருவான இந்த படத்தின் பாடல்கள் சூப்பர் ஹிட் ஆகியுள்ள நிலையில் இந்த படத்தின் ரிலீஸ் தேதி தற்போது உறுதி செய்யப்பட்டுள்ளது.

ஜீரோ' திரைப்படம் மார்ச் 25ஆம் தேதி ரிலீஸ் ஆகும் என அறிவிக்கப்பட்டுள்ளது. இந்த அறிவிப்பை உறுதி செய்யும் வகையில் சற்று முன்னர் சமூக இணையதளங்களில் இந்த படத்தின் ரிலீஸ் தேதியுடன் கூடிய போஸ்டர் வெளியாகியுள்ளது.

அஸ்வின், ஷிவேதா, ஜே.டி.சக்கரவர்த்தி, ரவிராகவேந்திரா, துளசி உள்பட பலர் நடித்த இந்த படத்தை ஷிவ்மோஹா என்ற அருண்குமார் இயக்கியுள்ளார். திகில் படமாக உருவாகியுள்ள இந்த படத்திற்கு பாபுகுமார் ஒளிப்பதிவும் சுதர்சன் படத்தொகுப்பும் செய்துள்ளனர்.