நடைபெற்று முடிந்த சட்டமன்ற தேர்தலில் திமுக அமோக வெற்றி பெற்று 10 ஆண்டுகளுக்கு பின் மீண்டும் தமிழகத்தில் ஆட்சிப் பொறுப்பை ஏற்க உள்ளது. தமிழக முதல்வராக திமுக தலைவர் முக ஸ்டாலின் அவர்கள் இன்னும் ஓரிரு நாட்களில் பதவியேற்பார் என்று எதிர்பார்க்கப்படுகிறது.

இந்த நிலையில் தமிழக முதல்வராக பதவி ஏற்க இருக்கும் முக ஸ்டாலினுக்கு தேசிய தலைவர்களும் தமிழக தலைவர்களும் திரையுலக பிரபலங்களும் வாழ்த்துக்களை தெரிவித்து வருகின்றனர். ஏற்கனவே கமல்ஹாசன் ரஜினிகாந்த் உள்பட பல திரையுலக பிரபலங்கள் வாழ்த்து தெரிவித்த நிலையில் இன்று காலை தனது டுவிட்டர் பக்கத்தில் இசைப்புயல் ஏஆர் ரஹ்மான் திமுகவின் வெற்றிக்கு வாழ்த்து தெரிவித்தார்.

ஏ.ஆர்.ரஹ்மான் வாழ்த்துக்கு நன்றி தெரிவித்த திமுக தலைவர் முக ஸ்டாலின் அவர்கள் கூறியிருப்பதாவது: இசைப்புயல் ஆஸ்கார் விருது அழகான தங்களின் வாழ்த்துக்களுக்கு நெஞ்சார்ந்த நன்றி. தமிழக மக்கள் சார்பில் தாங்கள் வைத்துள்ள நம்பிக்கையை நிறைவேற்றும் வகையில் புதிய அரசு செயல்படும்’ என்று கூறியுள்ளார்.

இசைப்புயல் - ஆஸ்கர் விருதாளரான தங்களின் வாழ்த்துகளுக்கு நெஞ்சார்ந்த நன்றி. தமிழக மக்கள் சார்பில் தாங்கள் வைத்துள்ள நம்பிக்கையை நிறைவேற்றிடும் வகையில் புதிய அரசு செயல்படும். https://t.co/m0urghBjVr

— M.K.Stalin (@mkstalin) May 3, 2021