இளையதளபதி விஜய் நடித்த 'பைரவா' மற்றும் சூர்யா நடித்த 'சிங்கம் 3' ஆகிய படங்கள் பொங்கலுக்கு ரிலீஸ் ஆகவுள்ள நிலையில் இதே தினத்தில் ஜி.வி.பிரகாஷின் 'புரூஸ்லீ' படமும் பொங்கல் தினத்தில் ரிலீஸ் என்பதை சற்று முன்னர் பார்த்தோம்.

இந்நிலையில் பொங்கல் ரேஸில் சூப்பர் ஸ்டார் ரஜினியின் 'கபாலி' படத்தில் முக்கிய வேடத்தில் நடித்த கலையரசன் நடித்த 'அதே கண்கள்' திரைப்படமும் தற்போது இணைந்துள்ளது. இந்த தகவலை உறுதி செய்யும் வகையில் ரிலீஸ் தேதியுடன் கூடிய இந்த படத்தின் புதிய போஸ்டர் சற்று முன் சமூக வலைத்தளத்தில் வெளியாகியுள்ளது.

கலையரசன், ஜனனி ஐயர், ஷிவேதா, பாலா சரவணன், உள்பட பலர் நடித்துள்ள இந்த படத்தை ரோஹின் வெங்கடேசன் இயக்கியுள்ளார். ஜிப்ரான் இசையில் ரவிவர்மன் ஒளிப்பதிவில் லியோ ஜான்பால் படத்தொகுப்பில் உருவாகியுள்ள இந்த படத்தை சி.வி.குமாரின் திருக்குமரன் எண்டர்டெயின்மெண்ட் நிறுவனம் தயாரித்துள்ளது.