அட்லி இயக்கத்தில், ஷாருக்கான் நயன்தாரா விஜய் சேதுபதி நடிப்பில், உருவான ‘ஜவான்’ திரைப்படம் நேற்று வெளியாகி மிகப்பெரிய வரவேற்பு பெற்றது என்பதும், இந்த படம் முதல் நாளே உலகம் முழுவதும் ரூபாய் 100 கோடி ரூபாய் வசூல் செய்ததாகவும் கூறப்படுகிறது.

இந்த நிலையில் நேற்று காலை சென்னை கோயம்பேடு ரோகிணி தியேட்டரில் அனிருத் மற்றும் அட்லி ரசிகர்களுடன் ‘ஜவான்’ படத்தை பார்த்தனர். இதனை அடுத்து அட்லி, நயன்தாரா மற்றும் விக்னேஷ் சிவன் உடன் மும்பை கிளம்பிச் சென்று அங்குள்ள திரையரங்கில் ரசிகர்களுடன் படம் பார்த்தார். இது குறித்த புகைப்படங்கள் வீடியோ இணையதளங்களில் வைரல் ஆகி வருகிறது.

‘ஜவான்’ திரைப்படத்திற்கு ரசிகர்கள் மத்தியில் மிகப்பெரிய ஆதரவு கிடைத்துள்ளதை அடுத்து பட குழுவினர் மகிழ்ச்சியில் உள்ளனர். இந்த படம் நிச்சயம் ஆயிரம் கோடி ரூபாய் வசூல் செய்ய அதிக வாய்ப்பு இருப்பதாக கூறப்படுகிறது.