ஒவ்வொரு ஆண்டும் மே 1ஆம் தேதி தல அஜித் பிறந்த நாளை அவரது ரசிகர்கள் சிறப்பாக கொண்டாடி வருவது தெரிந்ததே. இந்த நிலையில் இந்த ஆண்டும் ஒரு மாதத்திற்கு முன்பே அஜித் பிறந்த நாள் கவுண்ட் டவுனை சமூக வலைத்தளங்களில் டிரெண்ட் ஆக்கி வருகின்றனர் அவரது ரசிகர்கள்

இந்த நிலையில் ஆர்.கே.சுரேஷ் நடித்த 'பில்லா பாண்டி' படத்தில் இடம்பெற்ற ' எங்க குல தங்கம் , எங்க தல சிங்கம் என்ற பாடலை சிங்கிள் டிராக்காக அஜித் பிறந்த நாளில் வெளியிட படக்குழுவினர் முடிவு செய்துள்ளனர். இந்த பாடலை அன்றைய தினம் பிரபல இசையமைப்பாளர் யுவன்ஷங்கர் ராஜா தனது சமூக வலைத்தளத்தில் வெளியிட ஒப்புகொண்டுள்ளார். இதன்மூலம் அவரும் அஜித் பிறந்த நாள் கொண்டாடத்தில் இணைந்துள்ளார் என்பது குறிப்பிடத்தக்கது

ஆர்.கே.சுரேஷ் , சாந்தினி , இந்துஜா , தம்பிராமையா , மாரிமுத்து , அமுதவானன் , மாஸ்டர் மிதுன் சக்கரவர்த்தி , மாஸ்டர் தர்மேஷ் உள்பட பலர் நடித்துள்ள இந்த படத்தில் கே.சி பிரபாத் முக்கிய கேரக்டரில் நடித்திருக்கிறார் . தல ரசிகர்களுக்கு சமர்ப்பிக்கும் விதத்தில் உருவாக்கப்பட்டுள்ள இந்த படத்தை ராஜ் சேதுபதி என்பவர் இயக்கியுள்ளார். இளையவன் இசையமைத்திருக்கும் இந்த படத்தை ஜே.கே பிலிம் புரடொக்சன்ஸ் மற்றும் குளோபல் மீடியா நிறுவனங்கள் இணைந்து தயாரித்து வருகிறது.