సూపర్ స్టార్ మహేష్ బాబు(Mahesh Babu) అభిమానులు ఎప్పటి నుంచో ఎదురుచూస్తున్న ఎదురుచూపులకు ఫుల్‌స్టాప్ పడింది. దర్శకుడు త్రివిక్రమ్ శ్రీనివాస్ పుట్టిన రోజు సందర్భంగా 'గుంటూరు కారం' చిత్రం నుంచి 'దమ్ మసాలా' ఫస్ట్ సింగిల్ సాంగ్ విడుదలైంది.

థమన్ సంగీతం అందించిన ఈ పాటకి రామజోగయ్య శాస్త్రి లిరిక్స్ అందించగా.. సంజిత్ హెగ్డే, జ్యోతి నూరన్ పాటని పాడారు. టీజర్‌లో మహేష్ ఇప్పటివరకు కనిపించనంత మాస్‌గా కనిపించారు. దీంతో ఈ సినిమా ఫ్యాన్స్‌కు పూనకాలు తీసుకురావడం పక్కా అని అర్థమవుతుంది.

ఇక అతడు, ఖలేజా సినిమాల తర్వాత మహేష్-త్రివిక్రమ్ కాంబోలో వస్తున్న 'గుంటూరు కారం' సినిమాపై భారీ అంచనాలు నెలకొన్నాయి. హారిక అండ్ హాసినీ క్రియేషన్స్ పతాకంపై ఎస్.రాధాకృష్ణ ఈ సినిమాను నిర్మిస్తున్నారు.

ఈ సినిమాలో శ్రీలీల, మీనాక్షి చౌదరి హీరోయిన్స్ గా నటిస్తున్నారు. జగపతిబాబు, రమ్యకృష్ణ, ప్రకాష్ రాజ్, సునీల్, బ్రహ్మానందం తదితరులు ముఖ్య పాత్రలు పోషిస్తున్నారు. సంక్రాంతి కానుకగా 2024 జనవరి 12న ఈ సినిమాని విడుదల చేస్తున్నారు.