சமீபத்தில் சென்னையில் கோலாகலமாக தொடங்கிய ISL என்று கூறப்படும் இந்தியன் கால்பந்து லீக் போட்டியின் தொடக்க விழாவில் இந்திய திரையுலகின் சூப்பர் ஸ்டார் ரஜினிகாந்த் மற்றும் இந்திய கிரிக்கெட்டின் சூப்பர் ஸ்டார் சச்சின் தெண்டுல்கரின் சந்திப்பு நடந்தது என்பதை ஏற்கனவே பார்த்தோம். இந்நிலையில் கிரிக்கெட்டை மையமாக வைத்து 'சென்னை 600 028' என்ற படத்தை இயக்கிய இயக்குனர் வெங்கட்பிரபு அவர்களும் இதே தொடக்கவிழாவில் சச்சின் தெண்டுல்கரை சந்தித்துள்ளார் என்பது தெரிய வந்துள்ளது.

இந்த சந்திப்பு குறித்து வெங்கட்பிரபு தனது சமூக வலைத்தளத்தில் கூறியிருப்பதாவது 'கிரிக்கெட் கடவுளை சந்தித்துவிட்டேன். எனது நெடுநாள் கனவு நிறைவேறியது' என்று கூறியுள்ளார்.

மேலும் இந்த தொடக்கவிழாவில் முமேஷ் அம்பானி, நிதா அம்பானி, ஐஸ்வர்யாராய் உள்பட பலர் கலந்து கொண்டனர். சென்னை நேரு ஸ்டேடியத்தில் நடந்த இந்த தொடக்க விழாவின் இறுதியில் ஆஸ்கார் நாயகன் ஏ.ஆர்.ரஹ்மானின் இசையில் தேசிய கீதம் இசைக்கப்பட்டது என்பது குறிப்பிடத்தக்கது.