கடந்த ஆண்டு 'தேவி', இந்த ஆண்டு 'வனமகன்' ஆகிய படங்களை இயக்கிய பிரபல இயக்குனர் விஜய் தற்போது இயக்கி வரும் படம் 'கரு' என்பது தெரிந்ததே. இந்த படத்தை அவர் அடுத்த ஆண்டு ரிலீஸ் செய்ய முடிவு செய்து தற்போது ரிலீஸ் தேதியையும் அறிவித்துள்ளார்.

'பிரேமம்' புகழ் சாய்பல்லவி நடித்துள்ள முதல் தமிழ்ப்படமான 'கரு' திரைப்படத்தின் படப்பிடிப்பு சமீபத்தில் முடிவடைந்துள்ள நிலையில் இந்த படத்தின் போஸ்ட் புரடொக்சன்ஸ் பணிகள் தற்போது நடைபெற்றுவருகிறது. இந்த நிலையில் இந்த படம் வரும் பிப்ரவரி 9ஆம் தேதி காதலர் தின ஸ்பெஷலாக திரைக்கு வரவுள்ளதாக அறிவிக்கப்பட்டுள்ளது.

சாய்பல்லவி, நாகசெளரியா, ஆர்ஜே பாலாஜி, சந்தானபாரதி, ரேகா, நிழல்கள் ரவி உள்பட பலர் நடித்துள்ள இந்த படத்திற்கு சாம் சி.எஸ் இசையமைத்துள்ளார். நீரவ்ஷா ஒளிப்பதிவில் அந்தோணி படத்தொகுப்பில் உருவாகியுள்ள இந்த படத்தை லைகா நிறுவனம் தயாரித்துள்ளது. தமிழ், தெலுங்கு என இரண்டு மொழிகளிலும் இந்த படம் வெளியாகவுள்ளது என்பது குறிப்பிடத்தக்கது.