close
Choose your channels

ప్రభాస్ - నాగ్ అశ్విన్ మూవీ కథ ఇదేనా!?

Thursday, February 27, 2020 • తెలుగు Comments

నాగ్ అశ్విన్-ప్రభాస్ మూవీ కథ ఇదేనా!?

‘బాహుబలి’లాంటి భారీ సినిమాతో వరల్డ్ ఫేమస్ అయిన ప్రభాస్.. ‘మహానటి’ సినిమా తనకంటూ ఓ క్రేజ్ దక్కించుకున్న నాగ్ అశ్విన్ కాంబోలో సినిమా వస్తోంది. ఇందుకు సంబంధించి అధికారిక ప్రకటన కూడా వచ్చేసింది. ప్రముఖ నిర్మాణ సంస్థ వైజయంతి మూవీస్ బ్యానర్‌లో సి.అశ్వినీదత్ భారీ బడ్జెట్‌తో నిర్మించనున్నాడు. అయితే ఈ కాంబోలో సినిమా ఎలా ఉంటుంది..? కథ ఎలా ఉండబోతోంది..? అనేదానిపై ఇటు టాలీవుడ్‌లో.. అటు సోషల్ మీడియా.. మరీ ముఖ్యంగా ప్రభాస్ అభిమానుల్లో సర్వత్రా చర్చ జరుగుతోంది. ఈ క్రమంలో ఓ ఇంట్రెస్టింగ్ అప్డేట్ వెలుగుచూసింది.

అదేమిటంటే.. ఈ సినిమా మొత్తం సైన్స్ ఫిక్షన్ నేపథ్యంలో కొనసాగనుందని విశ్వసనీయ వర్గాల సమాచారం. ఇందులో ప్రభాస్ సూపర్ హీరోలా కనిపిస్తాడని సమాచారం. సూపర్ నేచురల్ పవర్స్ వుండే హీరోలా ఆయన పాత్ర ఉంటుందని వార్తలు గుప్పుమంటున్నాయ్. ఆయన లుక్ .. బాడీ లాంగ్వేజ్ ‘క్రిష్’ చిత్రంలో హృతిక్ రోషన్‌ను గుర్తుకు తెచ్చేలా ఉంటుందట. వాస్తవానికి సైన్స్ ఫిక్షన్‌లో సినిమా చేయాలని అప్పుడెప్పుడో ఓ ఇంటర్వ్యూలో నాగ్ అశ్విన్ తన మనసులోని మాటను బయటపెట్టారు. అయితే ఈ కథ ఇప్పుడు ప్రభాస్ చేస్తున్నారట. దీంతో రకరకాలుగా కథ విషయమై ఇలా వార్తలు వచ్చేస్తున్నాయ్.

ఇదిలా ఉంటే.. ప్రభాస్‌కు ఎంతసేపూ ఫ్యామిలీ రిలేటెడ్, లవ్, భారీ బడ్జెట్ హిస్టారికల్ సినిమాలు తప్ప వేరేవి చేయడానికి పూనుకోడు. అయితే ఒకవేళ ఇది నిజంగానే సైన్స్ ఫ్రిక్షన్ అయితే అది ఎంతవరకు వర్కవుట్ అవుతుందో అని ప్రభాస్ ఫ్యాన్స్ ఆలోచనలో పడ్డారట. మరోవైపు సినిమాకు సంబంధించి ఏమైనా అప్డేట్స్ ఇస్తారేమోనని డార్లింగ్ ఫ్యాన్స్ ఎంతో ఆత్రుతతో వున్నారు. మరి ఫైనల్‌గా ప్రభాస్-నాగ్‌ అశ్విన్‌లు ఎలాంటి కథతో థియేటర్లలోకి వస్తారే వేచి చూడాల్సిందే మరి.

Get Breaking News Alerts From IndiaGlitz