మెగాస్టార్ చిరంజీవి దాదాపు ప‌దేళ్ళ గ్యాప్ త‌రువాత హీరోగా న‌టించిన చిత్రం ఖైదీ నంబ‌ర్ 150. వి.వి.వినాయ‌క్ ద‌ర్శ‌క‌త్వంలో రూపొందిన ఈ చిత్రం గ‌తేడాది సంక్రాంతికి విడుద‌లై సంచ‌ల‌న విజ‌యం సాధించింది. ఈ చిత్రంతోనే మెగాస్టార్ చిరంజీవి త‌న‌యుడు మెగాప‌వ‌ర్ స్టార్ రామ్ చ‌ర‌ణ్ నిర్మాత‌గా అవ‌తార‌మెత్తారు.

ఆ సినిమా అందించిన ఉత్సాహంతో.. ప్ర‌స్తుతం చిరంజీవి తదుప‌రి చిత్రం సైరా న‌ర‌సింహారెడ్డిని భారీ బ‌డ్జెట్‌తో తెర‌కెక్కిస్తున్నారు చ‌ర‌ణ్. దాదాపు రూ.200 కోట్ల బ‌డ్జెట్‌తో రూపొందుతున్న ఈ చారిత్రాత్మ‌క చిత్రం వ‌చ్చే ఏడాది వేస‌వికి సంద‌డి చేయ‌నుంది.

ఇదిలా ఉంటే.. ఈ సినిమా త‌రువాత చిరు న‌టించే సినిమాకి కూడా చ‌ర‌ణ్ ఓ నిర్మాత‌గా వ్య‌వ‌హ‌రించే అవ‌కాశ‌ముంద‌ని స‌మాచారం.

కాస్త వివ‌రాల్లోకి వెళితే.. స‌క్సెస్‌ఫుల్ డైరెక్ట‌ర్ కొర‌టాల‌ శివ ద‌ర్శ‌క‌త్వంలో చిరు ఓ సినిమా చేయ‌నున్న సంగ‌తి తెలిసిందే. మైత్రీ మూవీ మేక‌ర్స్ సంస్థ ఈ చిత్రాన్ని నిర్మించ‌నుంది. ఆ సంస్థ‌తో పాటు చ‌ర‌ణ్ కూడా ఈ సినిమా నిర్మాణంలో భాగం పంచుకోనున్నార‌ని తెలుస్తోంది. అదేగ‌నుక జ‌రిగితే.. వ‌రుస‌గా చిరుతోనే మూడు సినిమాలు చేసిన నిర్మాత‌గా చ‌ర‌ణ్ ప్ర‌త్యేక గుర్తింపు తెచ్చుకుంటారు.