நடிகர் கார்த்தி தற்போது நலன் குமாரசாமி இயக்கத்தில் உருவாகி வரும் படத்திலும் பிரேம்குமார் இயக்கத்தில் உருவாகி வரும் ’மெய்யழகன்’ படத்திலும் நடித்து வருகிறார் என்பதும் இந்த இரண்டு படங்களின் படப்பிடிப்பு கிட்டத்தட்ட நிறைவு கட்டத்தை நெருங்கி விட்டதாக கூறப்படுகிறது. இந்த நிலையில் கார்த்தி அடுத்ததாக ’சர்தார்’ படத்தின் இரண்டாம் படத்தில் நடிப்பார் என்று கூறப்படும் நிலையில் அந்த படம் குறித்த தகவல்கள் தற்போது கசிந்துள்ளன

கடந்த 2022 ஆம் ஆண்டு பிஎஸ் மித்ரன் இயக்கத்தில் கார்த்தி, ராஷி கண்ணா உள்ளிட்ட பலர் நடிப்பில் உருவான ’சர்தார்’ திரைப்படம் மிகப்பெரிய வரவேற்பை பெற்றது என்பது இந்த படம் 100 கோடிக்கும் அதிகமாக வசூல் செய்து சாதனை செய்தது என்பது தெரிந்ததே.

இந்த படத்தின் கிளைமாக்ஸ் காட்சியில் இரண்டாம் பாகத்திற்கான லீடு இருக்கும் நிலையில் தற்போது இந்த ’சர்தார் 2’ படத்திற்கான ஆரம்ப கட்ட பணிகள் நடைபெற்று வருகிறது. வரும் ஜூலை மாதம் இந்த படத்தின் படப்பிடிப்பு தொடங்க இருப்பதாகவும் இந்த படத்தின் படப்பிடிப்பு அஜர்பைஜான், ஹைதராபாத், சென்னை உள்ளிட்ட இடங்களில் நடத்த திட்டமிடப்பட்டு உள்ளதாகவும் தெரிகிறது

மேலும் இந்த படத்தில் பாலிவுட் திரையுலகின் முன்னணி நடிகை நாயகியாக நடிக்க இருப்பதாகவும் இந்த படத்தை ஹிந்தியில் ரிலீஸ் செய்ய திட்டமிடப்பட்டிருப்பதால் ஹிந்தி மார்க்கெட்டிற்கு பாலிவுட் நடிகை இணைக்கப்பட்டு இருப்பதாகவும் கூறப்படுகிறது. மேலும் கார்த்தியின் படங்களிலேயே அதிக பட்ஜெட் படம் இதுதான் என்றும், முதல் பாகம் முகமே இரண்டாவது பாகமும் மிகப்பெரிய வரவேற்பை பெரும் என்றும் எதிர்பார்க்கப்படுகிறது.