பாலியல் குற்றச்சாட்டுக்கு உள்ளான சாமியார் நித்யானந்தா சமீபத்தில் தலைமறைவாகியுள்ளார் என்பதும் அவரை தேடும் பணியில் காவல்துறையினர் ஈடுபட்டுள்ளது என்பதும் தெரிந்ததே

இந்த நிலையில் விஜய் டிவியில் ஒளிபரப்பாகும் கலக்கப்போவது யாரு நிகழ்ச்சியில் நடிகர் யோகி, நித்தியானந்தா கேரக்டரில் தத்ரூபமாக நடித்தது அனைவரையும் கவர்ந்தது என்பது தெரிந்ததே. இதனை அடுத்து தற்போது நடிகர் யோகி ஒரு திரைப்படத்தில் அதே நித்தியானந்தா கேரக்டரில் நடித்து வருகிறார்.

பிக்பாஸ் புகழ் ஐஸ்வர்யா தத்தா நடித்த முக்கிய வேடத்தில் நடித்து வரும் ’பொல்லாத உலகில் பயங்கர கேம்’ என்ற திரைப்படத்தில் தான் நடிகர் யோகி நித்யானந்தா வேடத்தில் நடித்து வருவதாக செய்திகள் வெளியாகி உள்ளது

சாருஹாசன் நடித்த தாதா87 என்ற படத்தை இயக்கிய விஜய்ஸ்ரீ இயக்கி வரும் இந்தப் படத்தில் பிக்பாஸ் ஜூலி, மொட்டை ராஜேந்திரன் உள்ளிட்ட பலர் நடித்து வருகின்றனர் என்பது குறிப்பிடத்தக்கது