ஜூலை 1 முதல் நாடு முழுவதும் ஒரே வரி என்ற அறிவித்துதான் ஜிஎஸ்டி வரியை மத்திய அரசு அறிமுகம் செய்தது. ஆனால் ஒருசில மாநிலங்களில் ஜிஎஸ்டி வரி மட்டுமின்றி மாநில அரசின் வரியும் விதிக்கப்படுவதால் இரட்டை வரி செலுத்த வேண்டிய நிலை ஏற்படுகிறது.

குறிப்பாக திரைத்துறையினர்களுக்கு இந்த இரட்டை வரிவிதிப்பால் பெரும் பாதிப்பு ஏற்பட்டுள்ளது. இந்த நிலையில் பிரபல பாடலாசிரியர் மதன்கார்க்கி, கேளிக்கை வரியில் மாற்றம் கொண்டு வரும் வரை தன் சம்பளத்தில் 15% குறைத்துக் கொள்வதாக அறிவித்துள்ளார்.

மதன்கார்க்கியின் இந்த அறிவிப்பு தயாரிப்பாளர்களுக்கு சற்று நிம்மதியை தந்தாலும், இந்த பிரச்சனை தீர்க்கப்படும் வரை மதன் கார்க்கியை போலவே நடிகர், நடிகைகள் மற்றும் டெக்னீஷியன்களும் சம்பளத்தை குறைக்க முன்வந்தால் தயாரிப்பாளர்களுக்கு பேருதவியாக இருக்கும் என்று கருதப்படுகிறது.