தளபதி விஜய் நடித்த 'மெர்சல்' திரைப்படம் உலகம் முழுவதும் கடந்த தீபாவளி தினத்தில் வெளியாகி வசூலை குவித்து வருகிறது. இந்த படம் ரூ.200 கோடிக்கும் மேல் வசூல் செய்துவிட்டதாக செய்திகள் வெளிவந்துள்ளதால் தயாரிப்பாளர் உள்பட படக்குழுவினர் உற்சாகத்தில் உள்ளனர்.

இந்த நிலையில் நேற்று படக்குழுவினர் அனைவருக்கும் விஜய் தனது ஈசிஆர் இல்லத்தில் சக்சஸ் பார்ட்டி வைத்துள்ளார். இந்த பார்ட்டியில் ஏ.ஆர்.ரஹ்மான், அட்லி, உள்பட பலர் கலந்து கொண்டு சந்தோஷத்தை கொண்டாடியுள்ளனர். இரண்டு நாட்களில் வசூல் விபரங்கள் தெரியும் முன்னரே சக்சஸ் பார்ட்டி கொண்டாடி வரும் கோலிவுட் திரையுலகில் 'மெர்சல்' பார்ட்டி ஒரு உண்மையாக சக்சஸ் பார்ட்டியாக இருந்தது என்பது குறிப்பிடத்தக்கது

இந்த நிலையில் 'மெர்சல்' திரைப்படம் ரஜினியின் 'எந்திரன்' மற்றும் எஸ்.எஸ்.ராஜமெளலியின் 'பாகுபலி 2' ஆகிய படங்களின் வசூலை பல நாடுகளில் முறியடித்துவிட்டதாக செய்திகள் வெளிவந்துள்ளது.