கொரோனா வைரஸ் காரணமாக ஊரடங்கு உத்தரவு பிறப்பிக்கப்பட்டுள்ளதை அடுத்து நாடு முழுவதும் உள்ள 140 கோடி மக்கள் வீட்டில் சும்மா உள்ளனர். இதனை அடுத்து அவர்களுக்கு இருக்கும் ஒரே பொழுதுபோக்கு தொலைக்காட்சி மற்றும் திரைப்படங்கள் பார்ப்பது தான்.

இதுவரை 24 மணி நேரமும் ஓய்வின்றி உழைத்துக் கொண்டிருந்த பொதுமக்கள் தற்போது முழு ஓய்வு கிடைத்திருப்பதால் இதுவரை பார்க்கத் தவறிய படங்களை தற்போது பார்த்து வருகின்றனர். அந்த வகையில் திரையுலக பிரபலங்கள் குறிப்பாக நடிகைகள் அனைவரும் ஒரு படத்தை பார்த்துள்ளது அவர்களுடைய சமூக வலைதளங்களில் இருந்து தெரிய வந்துள்ளது. அந்த திரைப்படம் சமீபத்தில் ஹரிஷ் கல்யாண் நடிப்பில் சமீபத்தில் வெளியான ’தாராளப் பிரபு’ என்ற படம்தான்.

‘விக்கி டோனர்’ என்ற இந்தி படத்தின் தமிழ் ரீமேக் படமான இந்தப் படத்தை நடிகைகள் அஞ்சலி, அதுல்யா ரவி, ஜனனி அய்யர், யாஷிகா ஆனந்த், நக்சத்திரா, ரம்யா பாண்டியன், தொலைக்காட்சி நடிகை ஷிவானி நாராயணன், சாக்ஷி அகர்வால் உள்பட பலர் இந்த படத்தை பார்த்துள்ளதாக தங்களது சமூக வலைதளத்தில் பதிவு செய்துள்ளனர்.