சூர்யா நடித்த ‘ஜெய்பீம்’ திரைப்படம் தீபாவளி விருந்தாக வரும் நவம்பர் மாதம் இரண்டாம் தேதி அமேசான் ஓடிடியில் வெளியாக உள்ளது என்பதும் இந்த படத்தின் புரமோஷன் பணிகள் தற்போது விறுவிறுப்பாக நடைபெற்று வருகிறது என்பதும் குறிப்பிடத்தக்கது

இந்த நிலையில் இன்று ‘ஜெய்பீம்’ படத்தின் சிங்கிள் பாடல் இன்று வெளியாகலாம் என எதிர்பார்க்கப்படும் நிலையில் இந்த படத்தின் சென்சார் தகவல் மற்றும் ரன்னிங் டைம் குறித்த தகவல்கள் சமூக வலைத்தளத்தில் வலம் வந்து கொண்டிருக்கின்றன

‘ஜெய்பீம்’ படத்தின் ரன்னிங் டைம் 164 நிமிடங்கள் என்றும் அதாவது இரண்டு மணி நேரம் 44 நிமிடங்கள் என்றும் கூறப்படுகிறது. அதேபோல் இந்த படத்திற்கு சென்சார் அதிகாரிகள் ’ஏ’ சான்றிதழ் கொடுத்துள்ளனர் என்பது குறிப்பிடத்தக்கது

சூர்யா, ரஜிஷா விஜயன், பிரகாஷ்ராஜ், மணிகண்டன் உள்பட பலர் நடித்துள்ள இந்த திரைப்படத்திற்கு எஸ்ஆர் கதிர் ஒளிப்பதிவும் ஃபிலோமினா ராஜ் படத்தொகுப்பு பணியும் செய்துள்ளனர். இந்த படத்திற்கு சீன்ரோல்டான் இசையமைத்துள்ளார்.