close
Choose your channels

ஜெயம் ரவிக்கு அக்காவாக நடிக்கின்றாரா த்ரிஷா? பரபரப்பு தகவல்!

Friday, January 24, 2020 • தமிழ் Comments

'உனக்கும் எனக்கும் சம்திங் சம்திங்’ என்ற திரைப்படத்தில் ஜெயம்ரவிக்கு ஜோடியாக நடித்தவர் நடிகை திரிஷா. இந்த நிலையில் தற்போது ஜெயம் ரவிக்கு அக்காவாக ஒரு படத்தில் நடிக்க இருக்கிறார் என்ற செய்தி திரிஷா ரசிகர்களை வியப்பில் ஆழ்த்தியுள்ளது.

மணிரத்னம் இயக்கத்தில் பிரம்மாண்டமாக உருவாகி வரும் திரைப்படம் ’பொன்னியின் செல்வன்’. இந்த படத்தில் திரிஷா ஒரு முக்கிய வேடத்தில் நடிக்க இருப்பதாக ஏற்கனவே உறுதி செய்யப்பட்ட செய்திகள் வெளிவந்தது.

இந்த நிலையில் தற்போது வந்துள்ள செய்திகளின் படி இந்த படத்தில் த்ரிஷா, குந்தவை கேரக்டரில் நடிக்கிறார் என்று கூறப்படுகிறது. ஏற்கனவே இராஜராஜசோழன் கேரக்டரில் ஜெயம் ரவி நடித்து வருகிறார் என்பதும் ராஜராஜசோழனின் அக்காதான் குந்தவை என்பது குறிப்பிடத்தக்கது. எனவே ராஜராஜசோழன் கேரக்டரில் நடிக்கும் ஜெயம் ரவிக்கு அக்கா வேடத்தில் த்ரிஷா, நடிக்கிறார் என்று கூறப்படுகிறது.

இருப்பினும் குந்தவை கேரக்டர் என்பது ஹீரோ வந்தியத்தேவனுக்கு ஜோடியான கேரக்டர் என்பதால் இந்த படத்தின் நாயகியே த்ரிஷா தான் என்பதும் குறிப்பிடத்தக்கது.

Get Breaking News Alerts From IndiaGlitz