விஜய்சேதுபதி, கவுதம் கார்த்திக் நடிப்பில் விரைவில் வெளியாகவுள்ள திரைப்படம் 'ஒரு நல்ல நாள் பாத்து சொல்றேன். இந்த படத்தின் இசை வெளியீட்டு விழா மலேசியாவில் நடைபெறவுள்ள நட்சத்திர கலைவிழாவின்போது பிரமாண்டமாக நடைபெறவுள்ளது.

இந்த நிலையில் மலேசியாவில் நடைபெறவுள்ள நட்சத்திர கிரிக்கெட் போட்டியில் விளையாடும் அணிகளில் ஒன்றான 'ராம்நாட் ரினோஸ்' என்ற அணியை 'ஒருநல்ல நாள் பாத்து சொல்றேன்' படக்குழுவினர் வாங்கியுள்ளனர். இந்த அணியின் கேப்டனும் விஜய்சேதுபதிதான் என்பது இதன் மற்றொரு சிறப்பு. விஜய்சேதுபதியின் படத்தை புரமோஷன் செய்ய விஜய் சேதுபதி விளையாடும் கிரிக்கெட் அணியையே வாங்கியுள்ளது வித்தியாசமான புரமோஷனாக கருதப்படுகிறது.

விஜய்சேதுபதி, கவுதம் கார்த்திக், காயத்ரி, நிஹாரிகா, ரமேஷ் திலக் உள்ளிட்ட பலர் நடித்துள்ள இந்த படத்தை ஆறுமுககுமார் இயக்கியுள்ளார். ஜஸ்டின் பிரபாகரன் இசையில் உருவாகியுள்ள இந்த படம் இம்மாத இறுதியில் வெளியாகலாம் என்று எதிர்பார்க்கப்படுகிறது.

Massive Announcement ?? #OruNallaNaalPaathuSolren Team had Snapped #RamnadRhinos Team in CCL on the Film Name itself, Directed by @Aaru7Cs ✌ Grand Audio Launch at Bukit Jalil Stadium Malaysia on Jan 6th ??#VijaySethupathi Captain of the Ship ?? @sathishoffl pic.twitter.com/ve89hzZKoR

— Studio Frames (@StudioFramesIn) January 3, 2018