பிரபல இயக்குனர் ஜனநாதன் கடந்த இரண்டு நாட்களுக்கு முன்னர் உடல்நலக்குறைவு காரணமாக சென்னை தனியார் மருத்துவமனையில் அனுமதிக்கப்பட்டிருந்த நிலையில் சிகிச்சையின் பலனின்றி நேற்று காலை அவர் காலமானார். இதனை அடுத்து நேற்று மாலை அவருடைய இறுதிச்சடங்கு நடைபெற்றது என்பதும் இதில் திரையுலகினர் பலர் கலந்து கொண்டார்கள் என்பதும் குறிப்பிடத்தக்கது.

இந்த நிலையில் சற்றுமுன் வந்த தகவலின் அடிப்படையில் ஜனநாதனின் மருத்துவச் செலவு முழுவதையும் நடிகர் விஜய்சேதுபதி ஏற்றுக் கொண்டதாகவும் மருத்துவமனையில் நேற்று அவர் தனது சொந்த பணத்தில் மருத்துவமனையின் பில்லை செட்டில் செய்ததாகவும் தகவல்கள் வெளிவந்திருக்கின்றன.

ஏற்கனவே ஜனநாதனின் மருத்துவ செலவை தான் ஏற்றுக்கொள்வதாக விஜய் சேதுபதி அவரது குடும்பத்தினரிடம் வாக்கு கொடுத்து இருந்தார் என்பதும் அதன் அடிப்படையில் நேற்று மருத்துவ பில்லை செட்டில் செய்துள்ளார் என்பது குறிப்பிடத்தக்கது.

ஜனநாதன் இயக்கத்தில் ’புறம்போக்கு என்கிற பொதுவுடமை’ என்ற திரைப்படத்தில் விஜய் சேதுபதி நடித்துள்ளார் என்பதும் தற்போது அவர் இயக்கி முடித்துள்ள ’லாபம்’ திரைப்படத்திலும் விஜய்சேதுபதி தான் நாயகன் என்பதும் குறிப்பிடத்தக்கது.