தளபதி விஜய் மற்றும் இயக்குனர் முருகதாஸ் இணைந்து ஏற்கனவே 'துப்பாக்கி' மற்றும் 'கத்தி' ஆகிய இரண்டு ஹிட் படங்களை கொடுத்துள்ள நிலையில் மீண்டும் மூன்றாவது முறையாக இணைந்துள்ள 'தளபதி 62' படம் வேகமாக வளர்ந்து வருகிறது. சன் பிக்சர்ஸ் நிறுவனத்தின் பிரமாண்டமான தயாரிப்பில் உருவாகி வரும் இந்த படம் வரும் தீபாவளி அன்று திரைக்கு வரவுள்ளது.

விஜய்க்கு ஜோடியாக மீண்டும் கீர்த்தி சுரேஷ் நடித்து வரும் இந்த படத்தில் முக்கிய கேரக்டரில் வரலட்சுமி, காமெடி கேரக்டரில் யோகிபாபு மற்றும் பலர் நடித்து வருகின்றனர்.

'மெர்சல்' சூப்பர் ஹிட் படத்திற்கு பின்னர் விஜய் படத்திற்கு மீண்டும் இசையமைக்கின்றார் இசைப்புயல் ஏ.ஆர்.ரஹ்மான். இந்த நிலையில் இந்த படத்தின் ஒரு பாடலை பாலிவுட்டின் பிரபல பாடகர் விபின் அனேஜா ஒரு பாடலை பாடியுள்ளார். இதுகுறித்து அவர் தனது சமூக வலைத்தளத்தில் கூறியபோது, 'ஏ.ஆர்.ரஹ்மான் இசையில் பாட வேண்டும் என்பது எனது கனவாக இருந்த நிலையில் 'தளபதி 62' படத்தில் பாட அவர் அழைத்ததும் உடனே உற்சாகமாக ஒப்புக்கொண்டேன் ' என்று கூறியதில் இருந்தே இசைக்கு மொழி ஒரு பிரச்சனை இல்லை என்பது உறுதியாகிறது.