ஆர்.கே.நகரில் தனது வேட்புமனு நிராகரிக்கப்பட்டதை எதிர்த்து நடிகர் விஷாலும் அவருடைய ஆதரவாளர்களும் திடீரென தர்ணா போராட்டத்தில் ஈடுபட்டனர்.

மேலும் தனது வேட்பு மனு நிராகரிப்பு குறித்து, தேர்தல் அலுவலர் வேலுச்சாமியுடன் விஷால் விளக்கம் கேட்டதாகவும் தகவல்கள் வெளிவந்துள்ளது.

வேட்புமனு நிராகரிப்பு குறித்து விஷால் கூறுகையில், 'எனது வேட்புமனு நிராகரிக்கப்பட்டது நியாயமே இல்லை. 'இளைஞர்கள் அரசியலுக்கு வரக்கூடாதா? தேர்தலில் போட்டியிடக்கூடாதா? என்று ஆவேசமாக செய்தியாளர்களிடம் பேசினார்.

விஷாலின் வேட்புமனு நிராகரிப்பட்டது தொடர்பாக சட்ட ரீதியாக போராடுவோம் என்று நடிகர் ரமணா  கூறியுள்ளார்

இந்த நிலையில் வேட்புமனு நிராகரிக்கப்பட்டதை எதிர்த்து விஷாலும் அவரது ஆதரவாளர்களும் சாலை மறியலில் ஈடுபட்டுள்ளதாக தகவல்கள் வெளிவந்துள்ளது