தல அஜித் தற்போது வலிமை என்ற திரைப்படத்தில் நடித்து வருகிறார் என்பதும் இந்த படத்தின் படப்பிடிப்பு விறுவிறுப்பாக நடைபெற்று வருகிறது என்பதும் குறிப்பிடத்தக்கது. இந்த படத்தின் வில்லன் மற்றும் நாயகி இன்னும் உறுதி செய்யப்படவில்லை என்றாலும் கிட்டத்தட்ட 30% இந்த படத்தின் படப்பிடிப்பு முடிந்துவிட்டதாக கூறப்படுகிறது

இந்த நிலையில் அஜீத் நடிக்க உள்ள அடுத்த படத்தை இயக்கும் இயக்குனர்கள் குறித்த தகவல்கள் அவ்வப்போது வெளிவந்து கொண்டிருக்கிறது. இந்த நிலையில் கேஎஸ் ரவிக்குமார் பெயரில் உள்ள ஒரு டுவிட்டர் பக்கத்தில் அஜித்தின் அடுத்த படத்தை கேஎஸ் ரவிக்குமார் இயக்க உள்ளதாகவும் இந்த படத்தை சன் பிக்சர்ஸ் நிறுவனம் தயாரிக்க உள்ளதாகவும் இது குறித்த அறிவிப்பு விரைவில் வெளிவரும் என்றும் பதிவு செய்யப்பட்டிருந்தது

இந்த நிலையில் இது குறித்து விளக்கமளித்த கேஎஸ் ரவிக்குமார் ’தன்னுடைய பெயரில் டுவிட்டர் பக்கம் ஏதுமில்லை என்றும் தனது பெயரில் ஆரம்பிக்கப்பட்ட போலியான பக்கம் என்றும் அதில் உள்ள தகவல்களும் பொய்யானது என்றும் தெரிவித்துள்ளார் இதனை அடுத்து அஜித் படத்தை கேஎஸ் ரவிக்குமார் இயக்க உள்ளார் என்ற வதந்திக்கு முற்றுப்புள்ளி வைத்து விட்டதாக கருதப்படுகிறது. இருப்பினும் ஏற்கனவே அஜித் நடித்த ’வில்லன்’ மற்றும் ’வரலாறு’ ஆகிய இரண்டு சூப்பர் ஹிட் படங்களை இயக்கியுள்ள கே.எஸ்.ரவிகுமார், விரைவில் அஜித் படத்தை இயக்குவார் என எதிர்பார்க்கப்படுகிறது