தமிழ் சினிமாவில் இளம் இயக்குனர்களில் ஒருவரான ஸ்ரீ கணேஷ் என்பவர் கடந்த 2017 ஆம் ஆண்டு இயக்கிய ’8 தோட்டாக்கள்’ என்ற திரைப்படம் மிகப்பெரிய வரவேற்பை பெற்றது. வெற்றி, அபர்ணா பாலமுரளி உள்ளிட்டோர் நடித்தனர்.

இந்த படத்தின் வெற்றியை அடுத்து அவர் கிட்டத்தட்ட ஐந்து ஆண்டுகள் கழித்து தனது இரண்டாவது படத்தை இயக்கினார். அதுதான் ’குருதி ஆட்டம்’. இந்த படத்தில் அதர்வா நாயகனாகவும், பிரியா பவானி சங்கர் நாயகியாகவும் நடித்திருந்தார் என்பது குறிப்பிடத்தக்கது.

இந்த படம் எதிர்பார்த்த வெற்றியை பெறாத நிலையில் தற்போது இயக்குனர் ஸ்ரீ கணேஷ் வெப் தொடர் ஒன்றை இயக்க இருப்பதாக தகவல் வெளியாகியுள்ளது. அமேசான் ப்ரைம் நிறுவனத்திற்காக அவர் இயக்க உள்ள புதிய வெப் தொடரின் ஆரம்பகட்ட பணிகள் முடிவடைந்து விட்டதாகவும் விரைவில் இந்த தொடரின் படப்பிடிப்பு நடைபெற இருப்பதாகவும் கூறப்படுகிறது.

தற்போது இந்த வெப் தொடரில் நடிக்க இருக்கும் நடிகர், நடிகையர் தேர்வு பணிகள் நடைபெற்று வருவதாகவும் இந்த வெப் தொடர்பு குறித்த அதிகாரபூர்வ அறிவிப்பு இன்னும் ஒரு சில நாட்களில் வெளியாகும் என்றும் கூறப்படுகிறது. இந்த வெப் தொடரும் க்ரைம், த்ரில்லர் கதையம்சம் கொண்டது என்று கூறப்படுகிறது.