close
Choose your channels

தயவுசெய்து இதுமாதிரி யாரும் செய்யாதீங்க: காயமடைந்த பிரபல நடிகரின் வீடியோ!

Saturday, May 16, 2020 • தமிழ் Comments

கடந்த 25 ஆண்டுகளாக தமிழ் திரையுலகில் நடித்து வரும் நடிகர் அருண் விஜய்க்கு, 2015 ஆம் ஆண்டு அஜித் நடித்த ’என்னை அறிந்தால்’ படம் தான் ஒரு திருப்புமுனையாக அமைந்தது. அதன் பின்னர் அவருக்கு ’குற்றம் 23’ ’செக்க சிவந்த வானம்’ உள்பட பல வெற்றித் திரைப்படங்கள் வெளியாகி தற்போது தமிழ் திரையுலகின் முன்னணி நடிகர்களில் ஒருவராக இருக்கிறார்

இந்த நிலையில் அருண் விஜய் தனது சமூக வலைத்தளத்தில் வீடியோ ஒன்றை பதிவு செய்துள்ளார். அந்த வீடியோவில் அவர் உடற்பயிற்சி மெஷின் ஒன்றில் ரிஸ்க்கான உடற்பயிற்சியை செய்து கொண்டிருந்தபோது திடீரென தவறி விழுகிறார். இந்த விபத்தில் அவருடைய முழங்கால் இரண்டிலும் படுகாயம் ஏற்பட்டுள்ளது.

இதுகுறித்து அவர் கூறும்போது தயவுசெய்து இதுமாதிரி பயிற்சியாளர் இல்லாமல் யாரும் உடற்பயிற்சி செய்ய வேண்டாம். கடந்த வாரம் நான் உடற்பயிற்சியின்போது கீழே விழுந்ததில் எனது இரண்டு முழங்கால்களிலும் காயம் ஏற்பட்டுள்ளது. நல்லவேளையாக கடவுளின் கிருபையால் தலையில் அடிபடாமல் இருந்தது. எனவே யாரும் இது மாதிரி பயிற்சியாளர் இல்லாமல் உடற்பயிற்சி செய்ய வேண்டாம் என்று கேட்டுக் கொண்டுள்ளார். அருண்விஜய் பதிவு செய்துள்ள இந்த வீடியோ தற்போது சமூக வலைதளங்களில் வைரல் ஆகி வருகிறது.

அருண்விஜய் நடித்த ‘மாஃபியா’ திரைப்படம் சமீபத்தில் வெளிவந்த நிலையில் தற்போது அவர் ’அக்னி சிறகுகள்’, பாக்ஸர்’ ‘சினம்’ உள்பட 5 படங்களில் நடித்து வருகிறார் என்பது குறிப்பிடத்தக்கது

Get Breaking News Alerts From IndiaGlitz