பிக்பாஸ் போட்டியாளர்களுக்கு கொடுக்கப்பட்ட இந்த வார டாஸ்க் 'போடு ஆட்டம் போடு'. இந்த டாஸ்க்கின்படி ஒவ்வொரு போட்டியாளருக்கும் ஒரு சினிமா கதாபாத்திரம் அளிக்கப்பட்டுள்ளது. இதன்படி சின்னக்கவுண்டராக சரவணனும், மங்காத்தா அஜித்தாக கவினும், ரஜினி கேரக்டரில் சேரனும், சிம்பு கேரக்டரில் சாண்டியும் மாறியுள்ளனர். அந்தந்த கேரக்டருக்குரிய பாடல் ஒலிக்கும்போது அந்த கேரக்டரை ஏற்றுள்ள போட்டியாளர் ஆட்டம் போட வேண்டும்.

அதேபோல் பெண் போட்டியாளர்களுக்கும் பழைய நடிகைகளின் கேரக்டர்கள் வழங்கப்பட்டுள்ளது. இது சினிமா சம்பந்தப்பட்ட டாஸ்க் என்பதால் போட்டியாளர்கள் மிகுந்த ஆர்வத்துடன் பங்கு பெற வாய்ப்பு உள்ளது. மேலும் பார்வையாளர்களுக்கும் இந்த டாஸ்க் சுவாரஸ்யமாக இருக்கும் என கருதப்படுகிறது.

ஏற்கனவே சரவணன் நடிக்கும் காலத்திலேயே அவரை சின்ன விஜயகாந்த் என்று கூறுவதுண்டு. அவருக்கு பொருத்தமாக சின்னக்கவுண்டர் விஜயகாந்த் கேரக்டர் கொடுக்கப்பட்டிருப்பதும், அந்த கேரக்டரை அவர் பிச்சுவாங்குவதையும் பார்க்கும்போது அவர் இந்த வார சிறந்த டாஸ்க் விளையாடுபவராக தேர்வு செய்யப்பட வாய்ப்பு உள்ளது. அதேபோல் மங்காத்தா அஜித் கெட்டப்பில் கவினும் அசத்துகிறார். அவரது மீதிருந்த கோபம் எல்லாம் பறந்து செல்லும்படி அவரது நடிப்பும் ஆட்டமும் உள்ளது. மேலும் இந்த கெட்டப்பில் யாரையும் ஹர்ட் பண்ணக்கூடாது என்று கவின் லாஸ்லியாவிடம் சொல்கிறார் என்பதும் குறிப்பிடத்தக்கது.

இந்த டாஸ்க்காவது பிரச்சனையின்றி முடியுமா? அல்லது கடந்த வார கிராமத்து டாஸ்க் போல் ரணகளமாகுமா? என்பதை பொறுத்திருந்து பார்ப்போம்.
 

#Day37 #Promo1 #பிக்பாஸ் இல்லத்தில் இன்று.. #BiggBossTamil - தினமும் இரவு 9:30 மணிக்கு உங்கள் விஜயில்.. #BiggBossTamil3 #VijayTelevision pic.twitter.com/xLE8k9B4tF

— Vijay Television (@vijaytelevision) July 30, 2019