கர்நாடக தேர்தலில் பாஜக அதிக இடங்களை கைப்பற்றி ஆட்சி அமைக்கும் நிலையில் உள்ளது. இந்த நிலையில் இந்த தேர்தலின்போது பாஜகவுக்கு எதிராக பிரச்சாரம் செய்தவர்களில் ஒருவர் நடிகர் பிரகாஷ்ராஜ்.

ஏற்கனவே பாஜக மீதும், பிரதமர் மோடி மீது அவ்வப்போது விமர்சனம் செய்து வந்த பிரகாஷ்ராஜ், மதவாத சக்தியை கர்நாடகாவில் இருந்து விரட்ட வேண்டும் என்று பிரச்சாரம் செய்தார். ஆனால் அவருடைய பிரச்சாரம் எடுபடவில்லை என்பது தேர்தல் முடிவில் இருந்து தெரிய வருகிறது.

இந்த நிலையில் வெற்றி செய்திகள் வந்து கொண்டிருக்கும் நிலையில் பிரகாஷ்ராஜை வம்புக்கு இழுக்கும் வகையில் பாஜக பிரமுகர் நாராயணன் தனது சமூக வலைத்தளத்தில், 'கர்நாடகாவை விட்டு கிளம்பி விட்டாரா பிரகாஷ்ராஜ்? பாவம். அவரை விட்டு விடுங்கள்' என்று பதிவு செய்துள்ளார். அவருடைய பதிவிற்கு ஒருசிலர் ஆதரவு தெரிவித்திருந்தாலும் பலர் கண்டனம் தெரிவித்து வருகின்றனர்.

நோட்டாவை விட குறைவான வாக்குகள் வாங்கிய தமிழக பாஜகவினர்களே தமிழகத்தில் இருக்கும்போது, பிரகாஷ்ராஜ் ஏன் கர்நாடகாவை விட்டு கிளம்ப வேண்டும் என்று நெட்டிசன்கள் கேள்வி எழுப்பி வருகின்றனர்.