close
Choose your channels

దేశవ్యాప్తంగా ఎన్నికల కోడ్ ఎత్తివేత

Sunday, May 26, 2019 • తెలుగు Comments

దేశవ్యాప్తంగా ఎన్నికల కోడ్ ఎత్తివేత

దేశ వ్యాప్తంగా ఏప్రిల్-11 నుంచి మే-19 వరకు విడతల వారిగా ఎన్నికలు జరిగిన సంగతి తెలిసిందే. ఇటీవల మే 23న ఎన్నికల ఫలితాలు కూడా వెలువడ్డాయి. ఫలితాలు వెల్లడి కావడానికి సుదీర్ఘంగా 42రోజులు పట్టింది. దీంతో ఎన్నికల కోడ్‌ మూడునెలలపాటు కొనసాగింది. కాగా.. కొన్ని రాష్ట్రాల అసెంబ్లీ ఎన్నికలతో పాటు సాధారణ ఎన్నికల నేపథ్యంలో అమలు చేసిన ఎన్నికల ప్రవర్తనా నియమావళి ఆదివారం సాయంత్రంతో ముగిసింది.

ఆంధ్రప్రదేశ్‌, ఒడిషా, సిక్కిం, అరుణాచల్‌ ప్రదేశ్‌లతో పాటు కొన్ని అసెంబ్లీ ఉప ఎన్నికల నేపథ్యంలో ఎన్నికల కమిషన్.. ఎన్నికల నియమావళిని అమల్లోకి తెచ్చిన సంగతి తెలిసిందే. అయితే ఈ కోడ్‌ను ఆదివారం సాయంత్రం నుంచి ఎత్తివేస్తున్నట్లు ఓ ప్రకటనలో తెలిపింది. ఈ నిర్ణయం వెంటనే అమల్లోకి వస్తుందని అన్ని రాష్ట్రాల/కేంద్ర పాలిత ప్రాంతాలకు ప్రధాన కార్యదర్శులకు, చీఫ్‌ ఎలక్ట్రోల్‌ ఆఫీసర్లకు సమాచారం అందించింది. ఇదిలా ఉంటే.. ఈ నేపథ్యంలో బదిలీల ప్రక్రియ ప్రారంభం కానుందని తెలుస్తోంది. రాష్ట్రమంత్రివర్గ ప్రమాణస్వీకారం అనంతరం రాష్ట్రవ్యాప్తంగా జరిగే బదిలీల్లో భాగంగా జిల్లా కూడా ఉద్యోగుల బదిలీలు సాగనున్నట్లు సమాచారం.

Get Breaking News Alerts From IndiaGlitz