ஜிவி பிரகாஷ் நடிப்பில் இயக்குனர் ஏ.எல்.விஜய் இயக்கிய 'வாட்ச்மேன்' திரைப்படம் வரும் ஏப்ரல் 12ஆம் தேதி தமிழ்ப்புத்தாண்டு விருந்தாக வெளியாகவுள்ளது என்ற செய்தியை சற்றுமுன் பார்த்தோம்.

இந்த நிலையில் இந்த படம் ரிலீஸ் ஆவதற்கு ஒரு வாரம் முன்னரே அதாவது ஏப்ரல் 5ஆம் தேதி ஜிவி பிரகாஷ் நடித்த மற்றொரு திரைப்படமான 'குப்பத்து ராஜா' திரைப்படம் வெளியாகவிருப்பதாக அறிவிக்கப்பட்டுள்ளது. எனவே அடுத்தடுத்த வாரங்களில் இரண்டு ஜிவி பிரகாஷ் படங்கள் வெளியாகவிருப்பது உறுதி செய்யப்பட்டுள்ளது.

ஜிவி பிரகாஷ், பார்த்திபன், பாலக் லால்வானி, பூனம் பாஜ்வா, எம்.எஸ்.பாஸ்கர், யோகிபாபு, மதுமிதா உள்பட பலர் நடித்துள்ள இந்த படத்தை பாபா பாஸ்கர் இயக்கியுள்ளார். ஜிவி பிரகாஷ் இசையில் உருவாகியுள்ள இந்த படத்தின் டிரைலர் வரும் 8ஆம் தேதி வெளியாகவுள்ளது என்பது குறிப்பிடத்தக்கது.