நடிகர் கமல்ஹாசன் கடந்த பிப்ரவரி மாதம் அரசியல் கட்சி ஒன்றை ஆரம்பித்து தமிழகம் முழுவதும் சுற்றுப்பயணம் செய்து வருகிறார். அதுமட்டுமின்றி கேரள, ஆந்திர, கர்நாடக, டெல்லி மற்றும் மேற்குவங்க முதல்வர்களையும் காங்கிரஸ் தலைவர் ராகுல்காந்தி மற்றும் சோனியா காந்தி அவர்களையும் சந்தித்து வருகிறார்.

இந்த நிலையில் கமல்ஹாசன் பகுத்தறிவு கொள்கையை கடைபிடித்து வருவதால் பாஜகவுடன் கூட்டணி அமைக்க மாட்டார் என்றே கருதப்பட்டது. மேலும் அவர் காவி எதிர்ப்பு குறித்து பலமுறை பேசியுள்ளார். ஆனால் தமிழ்நாட்டின் பன்முகத்தன்மையை ஏற்றுக் கொண்டால் பாஜகவுடன் கூட்டணி அமைப்பதில் தயக்கமில்லை என்று கமல்ஹாசன் தெரிவித்துள்ளார். இதனால் பாஜகவுடனும் கமல்ஹாசன் கட்சி கூட்டணி வைக்க வாய்ப்பு இருப்பதாகவே கருதப்படுகிறது.

கமல்ஹாசனின் இந்த கருத்துக்கு இதுவரை அரசியல் தலைவர்கள் எவ்வித கருத்தும் தெரிவிக்கவில்லை. இதே போன்ற ஒரு கருத்தை ரஜினி கூறியிருந்தால் அவர் மீது கடுமையான விமர்சனங்கள் இந்நேரம் வெளிவந்திருக்கும் என்பது குறிப்பிடத்தக்கது.