கோலிவுட் திரையுலகின் இளையதலைமுறை நடிகர்களில் ஒருவராகிய ஜீவா, தற்போது ஒரே நேரத்தில் நான்கு படங்களில் நடித்து வருகிறார். இவற்றில் ஒன்று 'ஜிப்ஸி' என்ற திரைப்படம்.

இந்த படத்தின் படப்பிடிப்பு முடிவடைந்து போஸ்ட் புரடொக்சன்ஸ் பணிகளும் இறுதிக்கட்டத்தில் இருப்பதால் இந்த படத்தின் புரமோஷன் விரைவில் தொடங்கவுள்ளது.

இந்த நிலையில் இந்த படத்தின் புரமோஷனுக்காக ஒரு பாடலை படக்குழுவினர் உருவாக்கும் முயற்சியில் தற்போது ஈடுபட்டுள்ளனர். இந்த பாடலில் சமூக சேவை செய்து வரும் ஆர்வலர்களும் ஒருசில அரசியல்வாதிகளும் தோன்றவுள்ளனர்.

அந்த வகையில் பழம்பெரும் அரசியல் தலைவரும் கம்யூனிஸ்ட் கட்சியின் பிரமுகருமான நல்லகண்ணு தோன்றும் காட்சியின் படப்பிடிப்பு இன்று நடைபெற்றது.

ராஜுமுருகன் இயக்கத்தில் சந்தோஷ் நாராயணன் இசையில் உருவாகி வரும் இந்த படத்தில் ஜீவா ஜோடியாக நடாஷா சிங் நடித்துள்ளார்.