ஓவியாவும், ஆரவ்வும் பிக்பாஸ் நிகழ்ச்சியில் இருந்தபோதே காதலித்ததாக கூறப்பட்டது. பிக்பாஸ் நிகழ்ச்சி முடிந்தபின்னரும் இருவரும் ஜோடியாக பல இடங்களுக்கு சென்று வந்ததால் காதல் நீடிப்பதாக கருதப்பட்டது

இந்த நிலையில் இன்று ஓவியா தனது 28வது பிறந்த நாளை கொண்டாடிய நிலையில் நேற்று நள்ளிரவில் தனது நண்பர்களுடன் சேர்ந்து கேக் வெட்டினார். ஆரவ், காயத்ரி உள்பட பலர் இந்த பிறந்த நாள் கொண்டாட்டத்தில் கலந்து கொண்டு அவருக்கு பிறந்த நாள் வாழ்த்துக்களை தெரிவித்தனர்.

தனக்கு நேரிலும், தொலைபேசியிலும் சமூக வலைத்தளங்கள் மூலமும் பிறந்த நாள் வாழ்த்து கூறிய அனைவருக்கும் தனது நன்றியை ஓவியா தெரிவித்து கொண்டார். மேலும் ஓவியா கேக் வெட்டும் புகைப்படத்தை ஆரவ் தனது சமூக வலைத்தள பக்கத்தில் பதிவு செய்து அவருக்கு வாழ்த்து தெரிவித்துள்ளார்.