சூப்பர் ஸ்டார் ரஜினிகாந்த் நடிப்பில் பிரமாண்ட இயக்குனர் ஷங்கரின் இயக்கத்தில் ஆஸ்கார் நாயகன் ஏ.ஆர்.ரஹ்மான் இசையில் லைகாவின் மிக அதிகமான பொருட்செலவில் உருவாகி வரும் படம் எந்திரன் படத்தின் இரண்டாம் பாகமான '2.0'.

இந்த படத்தின் படப்பிடிப்பு வரும் மார்ச் மாதத்திற்குள் முடிந்துவிடும் என்று எதிர்பார்க்கப்படும் நிலையில் இந்த படம் தற்போது ரூ.350 கோடிக்கு இன்சூரன்ஸ் செய்யப்பட்டுள்ளதாக தகவல்கள் வெளிவந்துள்ளது. இந்தியாவிலேயே மிக அதிகமான தொகைக்கு இன்சூர் செய்யப்பட்ட படம் இதுவே என்பது குறிப்பிடத்தக்கது.

இதற்கு முன்னர் அமீர்கானின் 'பிகே' ரூ.300 கோடிக்கும், ரஜினியின் 'எந்திரன்' திரைப்படம் ரூ.100 கோடிக்கும் இன்சூரன்ஸ் செய்யப்பட்ட நிலையில் தற்போது ரூ.350 கோடிக்க்கும் '2.0' இன்சூரன்ஸ் செய்யப்பட்டுள்ளது என்பது குறிப்பிடத்தக்கது.