தளபதி விஜய் நடிப்பில் ஏ.ஆர்.முருகதாஸ் இயக்கத்தில் ஏ.ஆர்.ரஹ்மான் இசையில் உருவாகி வரும் 'சர்கார்' திரைப்படத்தின் டீசர் அக்டோபர் 2ஆம் தேதி வெளியாகி உலகம் முழுவதும் பெரும் பரபரப்பை ஏற்படுத்தியது மட்டுமின்றி உலக அளவில் பார்வையாளர்கள் எண்ணிக்கையில் சாதனையும் செய்தது.

இந்த நிலையில் இன்று மாலை 'சர்கார்' படத்தின் தெலுங்கு டீசர் வெளியாகவுள்ளது. தமிழகத்தை போல தெலுங்கு மாநிலங்களான ஆந்திர பிரதேசம், மற்றும் தெலுங்கானாவில் விஜய்க்கு என ஒரு பெரும் ரசிகர் கூட்டம் இருப்பதால் இந்த தெலுங்கு டீசரை வரவேற்க தெலுங்கு ரசிகர்கள் தயாராகி வருகின்றனர். தமிழ் டீசரை போலவே தெலுங்கு டீசரும் உலக சாதனை படைக்கும் என எதிர்பார்க்கப்படுகிறது.

வரும் தீபாவளி விருந்தாக 'சர்கார்' திரைப்படம் தமிழில் மட்டுமின்றி தெலுங்கிலும் வெளியாகவுள்ளது என்பது குறிப்பிடத்தக்கது.