சூப்பர் ஸ்டார் ரஜினிகாந்த் நடித்த கபாலி, காலா ஆகிய படங்களை இயக்கிய இயக்குனர் பா.ரஞ்சித் தற்போது பாலிவுட் திரைப்படம் ஒன்றை இயக்கி வருகிறார். இந்த படத்தின் படப்பிடிப்பு விறுவிறுப்பாக நடைபெற்று வரும் நிலையில் அவர் 'இரண்டாம் உலகப்போரின் கடைசி குண்டு' என்ற படத்தை தயாரித்தும் வருகிறார்.

தினேஷ் ஹீரோவாக நடிக்கும் இந்த படத்தின் படப்பிடிப்பு விறுவிறுப்பாக நடந்து வரும் நிலையில் சமீபத்தில் இந்த படத்திற்காக ஒரு பாடல் ஒலிப்பதிவு செய்யப்பட்டது. தனியார் தொலைக்காட்சி ஒன்றில் ஒளீபரப்பான சூப்பர் சிங்கர் நிகழ்ச்சியின் டைட்டிலை வென்று தற்போது திரைப்பட பாடல்களை பாடி வரும் செந்தில் கணேஷ் இந்த பாடலை பாடியுள்ளார். உமாதேவி எழுதிய இந்த பாடலை டென்மா கம்போஸ் செய்துள்ளார்.

செந்தில் கணேஷ் பாடிய பிரபலமான பாடலான 'சின்ன மச்சான் செவத்த மச்சான்' பாடல் சமீபத்தில் வெளிவநத 'சார்லி சாப்ளின் 2' படத்தில் இடம்பெற்று மிகப்பெரிய வரவேற்பை பெற்றது போல் செந்தில் கணேஷ் பாடிய இந்த பாடலும் ரசிகர்களை கவரும் என படக்குழுவினர் நம்பிக்கை தெரிவித்தனர்.

தினேஷ், ரித்விகா, அனேகா, முனிஷ்காந்த், ரமேஷ் திலக் உள்ளிட்ட பலர் நடித்துள்ள இரண்டாம் உலகப்போரின் கடைசி குண்டு திரைப்படத்தை அதியன் அதிரி என்பவர் இயக்கி வருகிறார். இவர் பா.ரஞ்சித் இயக்கிய 'மெட்ராஸ்', 'கபாலி', 'காலா' ஆகிய படங்களில் உதவி இயக்குனராக பணிபுரிந்தவர் என்பது குறிப்பிடத்தக்கது.