ஒரு பிரபல நடிகரின் கால்ஷீட்டை வாங்கி ஒரு திரைப்படம் இயக்குவதே சிரமமான இன்றைய கால்கட்டத்தில் அரவிந்தசாமி, விஜய்சேதுபதி, சிம்பு மற்றும் அருண்விஜய் என நான்கு நடிகர்களை  இயக்குனர் மணிரத்னம் தனது 'செக்க சிவந்த வானம்' படத்தில் நடித்து வைத்து கொண்டிருக்கின்றார்.

இந்த நிலையில் கடந்த சில நாட்களாக அரவிந்தசாமி, விஜய்சேதுபதி, சிம்பு மற்றும் அருண்விஜய் ஆகிய நான்கு நடிகர்களும் இணைந்து நடிக்கும் காட்சிகளின் படப்பிடிப்பு நடநது வருகிறது. 

இந்த நிலையில் படப்பிடிப்பின் இடையே விஜய்சேதுபதிக்கு சிம்பு உணவு ஊட்டிவிட்டதாக தெரிகிறது. இதுகுறித்த புகைப்படம் தற்போது சமூக வலைத்தளத்தில் மிக வேகமாக வைரலாகி வருகிறது. சிம்புவின் அன்பை வெளிப்படுத்தும் இந்த புகைப்படத்தை சிம்பு, விஜய்சேதுபதி ரசிகர்கள் அதிகளவில் பகிர்ந்து வருகின்றனர்.

அரவிந்தசாமி, சிம்பு, விஜய்சேதுபதி, அருண்விஜய், ஜோதிகா, ஐஸ்வர்யா ராஜேஷ், அதிதி ராவ், டயானா, பிரகாஷ்ராஜ், தியாகராஜன் மற்றும் மன்சூர் அலிகான் உள்பட பலர் நடித்து வரும் இந்த படத்திற்கு ஏ.ஆர்.ரஹ்மான் இசையமைத்து வருகிறார்.